Josue 24:14-16

Ang Biblia (1978)

¹⁴ Ngayon nga ay matakot kayo sa Panginoon, at paglingkuran ninyo siya sa pagtatapat at sa katotohanan: at inyong ^(A)alisin ang mga dios na mga pinaglingkuran ng inyong mga magulang sa dako roon ng Ilog at ^(B)sa Egipto; at inyong paglingkuran ang Panginoon.

¹⁵ At kung inaakala ninyong masama na maglingkod sa Panginoon, ay ^(C)piliin ninyo sa araw na ito kung sino ang inyong paglilingkuran; kung ang mga dios ng inyong mga magulang na pinaglingkuran sa dako roon ng Ilog, o ang ^(D)dios ng mga Amorrheo na ang lupain nila ay inyong tinatahanan: ^(E)nguni't sa ganang akin at ng aking sangbahayan ay maglilingkod kami sa Panginoon.

¹⁶ At ang bayan ay sumagot at nagsabi, Malayo nawa sa amin na aming pabayaan ang Panginoon sa paglilingkod sa ibang mga dios: