Josue 24:26-28

Ang Salita ng Dios (Tagalog Contemporary Bible)

²⁶ Sinulat ito ni Josue sa Aklat ng Kautusan ng Dios. Pagkatapos, kumuha siya ng malaking bato at itinayo sa puno ng terebinto malapit sa banal na lugar ng Panginoon. ²⁷ At sinabi ni Josue sa lahat ng tao, “Ang batong ito ang saksi natin na nakipag-usap ang Panginoon sa atin. Magpapatunay ito laban sa inyo kung tatalikuran ninyo ang Dios.” ²⁸ Pagkatapos, pinauwi ni Josue ang mga tao sa kanya-kanyang lugar.