Josue 4:18-20

Ang Salita ng Dios (Tagalog Contemporary Bible)

¹⁸ Kaya umahon ang mga pari na dala ang Kahon ng Kasunduan ng Panginoon. At pagtapak nila sa pampang, dumaloy ulit ang tubig at umapaw gaya ng dati.

¹⁹ Ang pagtawid ng mga Israelita sa Ilog ng Jordan ay nangyari nang ikasampung araw ng unang buwan. Pagkatapos, nagkampo ang mga Israelita sa Gilgal, sa gawing silangan ng Jerico. ²⁰ Doon ipinalagay ni Josue ang 12 bato na ipinakuha niya sa Ilog ng Jordan.