Juan 6:15-17

Ang Salita ng Dios (Tagalog Contemporary Bible)

¹⁵ Alam ni Jesus na balak ng mga taong kunin siya at sapilitang gawing hari. Kaya umalis siya roon at muling umakyat nang mag-isa sa bundok.

Lumakad si Jesus sa Ibabaw ng Tubig^(A)

¹⁶ Nang gumagabi na, nagpunta ang mga tagasunod ni Jesus sa tabi ng lawa. ¹⁷ Madilim na at wala pa rin si Jesus, kaya sumakay na sila sa isang bangka at tumawid papuntang Capernaum.