Juan 6:15-17

Ang Bagong Tipan: Filipino Standard Version

¹⁵ Nang makita ni Jesus na lumalapit ang mga tao at sapilitan siyang kukunin upang gawing hari, lumayo siya at muling pumuntang mag-isa sa bundok.

¹⁶ Kinagabihan, pumunta sa lawa ang kanyang mga alagad. ¹⁷ Sumakay sila ng bangka at nagsimulang baybayin ang lawa patungong Capernaum. Madilim na noon, at hindi pa dumarating sa kanila si Jesus.