Juan 6:32-34

Magandang Balita Biblia (with Deuterocanon)

³² Sumagot si Jesus, “Pakatandaan ninyo: hindi si Moises ang nagbigay sa inyo ng tinapay na galing sa langit. Ang aking Ama ang nagbibigay sa inyo ng tunay na tinapay na galing sa langit. ³³ Sapagkat ang tinapay na galing sa Diyos ay ang bumabâ mula sa langit at nagbibigay-buhay sa sangkatauhan.”

³⁴ Sumagot sila, “Ginoo, bigyan po ninyo kaming lagi ng tinapay na ito.”