Levitico 1:9-11

Magandang Balita Biblia (with Deuterocanon)

⁹ Ngunit dapat muna nilang hugasan ang laman-loob at ang mga paa bago ilagay sa altar. Pagkatapos, ang lahat ng ito'y sama-samang susunugin bilang handog, upang ang usok nito'y maging mabangong samyo sa akin.

¹⁰ “Kung tupa o kambing ang ihahandog, kailangang ito'y lalaki rin at walang kapintasan. ¹¹ Papatayin ito ng naghahandog sa harapan ni Yahweh sa gawing hilaga ng altar at ang dugo'y ibubuhos ng mga pari sa paligid ng altar.