Levitico 25:10-12

Ang Biblia (1978)

¹⁰ At ipangingilin ninyo ang ikalimang pung taon, ^(A)at ihahayag ninyo sa buong lupain ang kalayaan sa lahat na tumatahan sa lupain: iya'y magiging kapistahan ng jubileo sa inyo; ^(B)at bawa't isa sa inyo ay babalik sa kaniyang pagaari, at bawa't isa'y babalik sa kaniyang sangbahayan.

¹¹ Magiging kapistahan ng jubileo nga sa inyo ang ikalimang pung taon: huwag ninyong hahasikan ni aanihin ang tumubo sa kaniyang sarili, ni titipunin ang mga ubas ng ubasan na hindi nakapon.

¹² Sapagka't kapistahan ng jubileo; magiging banal sa inyo: ^(C)kakanin ninyo ang bunga niyan sa bukid.