Levitico 26:35-37

Magandang Balita Biblia

³⁵ Makakapagpahinga ang inyong lupain, hindi tulad nang kayo'y naroon.

³⁶ “Ang mga maiiwan doon ay paghaharian ng matinding takot kaya't may malaglag lamang na dahon ng kahoy ay magkakandarapa na sila sa pagtakbo na parang hinahabol ng tagâ kahit wala naman. ³⁷ Magkakadaganan sila sa pagtakbo na parang hinahabol ng tagâ, gayong wala namang humahabol. Hindi ninyo maipagtatanggol ang inyong sarili sa mga kaaway.