Lucas 22:34-36

Ang Biblia (1978)

³⁴ At kaniyang sinabi, Sinasabi ko sa iyo, ^(A)Pedro, na hindi titilaok ngayon ang manok, hanggang sa ikaila mong makaitlo na ako'y hindi mo nakikilala.

³⁵ At sinabi niya sa kanila, ^(B)Nang kayo'y suguin ko na walang ^(C)supot ng salapi, at supot ng pagkain, at mga pangyapak, kinulang baga kayo ng anoman? At kanilang sinabi, Hindi.

³⁶ At sinabi niya sa kanila, Nguni't ngayon, ang mayroong supot ng salapi ay dalhin ito, at gayon din ang supot ng pagkain; at ang wala, ay ipagbili niya ang kaniyang balabal, at bumili ng isang tabak.