Lucas 22:55-57

Ang Bagong Tipan: Filipino Standard Version

⁵⁵ Ang mga tao ay nagpaningas ng apoy sa gitna ng patyo at naupong magkakasama. Nakiupo ring kasama nila si Pedro. ⁵⁶ Isang babaing lingkod ang nakakita sa kanya na nakaupo malapit sa apoy. Pinagmasdan niyang mabuti si Pedro at sinabi, “Kasamahan din niya ang taong ito!” ⁵⁷ Subalit itinanggi ito ni Pedro at sinabi, “Babae, hindi ko siya kilala!”