Lucas 23:22-24

Magandang Balita Biblia (with Deuterocanon)

²² Ikatlong ulit na sinabi sa kanila ni Pilato, “Bakit, ano ba ang ginawa niyang masama? Wala akong makitang dahilan upang siya'y hatulan ng kamatayan. Kaya't ipahahagupit ko siya at pagkatapos ay palalayain.”

²³ Ngunit lalo nilang ipinagsigawan na si Jesus ay dapat ipako sa krus. Nanaig ang kanilang sigaw ²⁴ kaya't ipinasya ni Pilato na pagbigyan ang kanilang hinihingi.