Lucas 6:21-23

Ang Salita ng Dios (Tagalog Contemporary Bible)

²¹ Mapalad kayong mga nagugutom ngayon,
    dahil bubusugin kayo.
    Mapalad kayong mga umiiyak ngayon,
    dahil tatawa kayo.
²² Mapalad kayo kung dahil sa pagsunod ninyo sa akin na Anak ng Tao ay kamuhian kayo, itakwil, insultuhin, at siraan ang inyong pangalan.
²³ Ganoon din ang ginawa ng kanilang mga ninuno sa mga propeta noon. Kaya kung gawin ito sa inyo, magalak kayo at lumukso sa tuwa, dahil malaki ang gantimpala ninyo sa langit.