Mangangaral 5:15-17

Ang Salita ng Diyos

¹⁵ Kung paanong hubad tayong ipinanganak mula sa sinapupunan ng ating ina, hubad din tayong mamamatay. Hindi natin madadala ang ating mga pinaghirapan. ¹⁶ Napakalungkot isipin! Ipinanganak tayong walang dala, mamamatay tayong walang dala. Kaya ano pa ang saysay ng mga pagpapakahirap natin? Para lang tayong humahabol sa hangin na walang napapala. ¹⁷ Ang buhay natin ay puno ng kahirapan, kaguluhan, sakit at galit.