Marcos 6:32-34

Ang Bagong Tipan: Filipino Standard Version

³² Sumakay sila sa isang bangka at nagtungo sa isang ilang na lugar. ³³ Ngunit maraming nakakita sa kanilang pag-alis at nakakilala sa kanila. Nagtakbuhan ang mga tao mula sa lahat ng bayan at nauna pang dumating sa pupuntahan nina Jesus. ³⁴ Pagbaba ^(A) ni Jesus sa pampang ay nakita niya ang napakaraming tao. Nahabag siya sa kanila, sapagkat sila'y tulad ng mga tupang walang pastol. At marami siyang itinuro sa kanila.