Marcos 8:20-22

Ang Salita ng Diyos

²⁰ Nang putul-putulin ko ang pitong tinapay para sa apat na libo at ipunin ninyo ang natirang tinapay, ilang kaing ang napuno ninyo?

Sinabi nila: Pito.

²¹ Sinabing muli ni Jesus sa kanila: Paanong hindi ninyo nauunawaan?

Ang Pagpapagaling sa Lalaking Bulag na Taga-Betsaida

²² Siya ay pumunta sa Betsaida at kanilang dinala sa kaniya ang isang lalaking bulag. Ipinamanhik nila sa kaniya na siya ay hipuin ni Jesus.