Marcos 8:27-29

Ang Bagong Tipan: Filipino Standard Version

Ang Pagpapahayag ni Pedro tungkol kay Jesus^(A)

²⁷ Nagtungo si Jesus at ang kanyang mga alagad sa mga nayon ng Cesarea sa Filipos. Habang sila'y nasa daan ay tinanong niya ang kanyang mga alagad, “Ano ang sinasabi ng mga tao kung sino ako?” ²⁸ Sumagot ^(B) sila, “Sabi ng iba ay si Juan na Tagapagbautismo; sabi naman ng iba'y si Elias, at ng iba'y isa sa mga propeta.” ²⁹ “At kayo, ano ang sinasabi ninyo kung sino ako?” ^(C) tanong niya sa kanila. Sumagot si Pedro, “Ikaw ang Cristo.”^[a]