Mateo 10:11-13

Ang Bagong Tipan: Filipino Standard Version

¹¹ At saanmang bayan o nayon kayo makarating, humanap kayo roon ng taong karapat-dapat. Makituloy kayo sa kanya hanggang sa inyong paglisan. ¹² Pagpasok ninyo sa bahay, basbasan ninyo ito. ¹³ At kung karapat-dapat ang sambahayang iyon, igawad ninyo ang inyong basbas ng kapayapaan doon, subalit kung hindi ito karapat-dapat, bawiin ninyo ang basbas ng kapayapaang iginawad ninyo.