Mateo 12:5-8

Ang Salita ng Dios (Tagalog Contemporary Bible)

⁵ At hindi rin ba ninyo nabasa sa Kautusan na ang mga pari ay nagtatrabaho sa templo kahit sa Araw ng Pamamahinga? Isa itong paglabag sa tuntunin ng Araw ng Pamamahinga, pero hindi sila nagkasala. ⁶ Tandaan ninyo: may naririto ngayon na mas dakila pa kaysa sa templo. ^7-8 Sapagkat ako na Anak ng Tao ang siyang makapagsasabi kung ano ang dapat gawin sa Araw ng Pamamahinga. Kung alam lang sana ninyo ang ibig sabihin ng sinabi ng Dios sa Kasulatan: ‘Hindi ang handog ninyo ang hinahangad ko kundi ang maging maawain kayo,’^[a] hindi sana ninyo hinatulan ang mga taong walang kasalanan.”