Mateo 12:5-7

Magandang Balita Biblia

⁵ Hindi^(A) ba ninyo nababasa sa Kautusan na tuwing Araw ng Pamamahinga, ang mga pari ay may ginagawa sa Templo na bawal gawin sa araw na iyon? Gayunma'y hindi sila nagkakasala! ⁶ Sinasabi ko sa inyo, may isang naririto na higit na dakila kaysa Templo. ⁷ Kung^(B) nauunawaan lamang ninyo ang kahulugan ng mga salitang ito, ‘Habag ang nais ko at hindi handog,’ hindi sana ninyo hinatulan ang mga walang sala.