Mateo 19:13-15

Magandang Balita Biblia

Ipinanalangin ni Jesus ang mga Bata^(A)

¹³ May nagdala ng mga bata kay Jesus upang ipatong niya sa mga ito ang kanyang kamay at sila'y ipanalangin. Ngunit pinagalitan sila ng mga alagad. ¹⁴ Sinabi ni Jesus, “Hayaan ninyong lumapit sa akin ang mga bata. Huwag ninyo silang pagbawalan sapagkat ang mga katulad nila ang mapapabilang sa kaharian ng langit.” ¹⁵ Ipinatong nga niya sa mga bata ang kanyang kamay, at pagkatapos, siya'y umalis.