Mateo 21:15-17

Ang Salita ng Diyos

¹⁵ Nang makita ng mga pinunong-saserdote at mga guro ng kautusan ang mga kamangha-manghang bagay na ginawa niya, lubha silang nagalit. Lubha rin silang nagalit dahil sa nakita nila sa templo ang mga batang sumisigaw na sinasabi: Hosana sa Anak ni David!

¹⁶ Kaya sinabi nila kay Jesus: Naririnig mo ba ang sinasabi ng mga ito?

Sinabi ni Jesus sa kanila: Oo, hindi ba ninyo nabasa:

Mula sa bibig ng mga bata at mga sanggol ay inihanda mo ang wagas na pagpupuri sa iyo?

¹⁷ Iniwan niya sila roon at pumunta siya sa lungsod ng Betania. Doon siya nagpalipas ng gabi.