Mateo 26:64-66

Ang Salita ng Dios (Tagalog Contemporary Bible)

⁶⁴ Sumagot si Jesus, “Ikaw na mismo ang nagsabi. At nais kong sabihin sa inyong lahat na mula ngayon ay makikita ninyo ako na Anak ng Tao na nakaupo sa kanan ng makapangyarihan na Dios. At makikita rin ninyo ako na dumarating mula sa ulap dito sa mundo.”

⁶⁵ Nang marinig iyon ng punong pari, pinunit niya ang kanyang damit sa galit at sinabi, “Nilalapastangan niya ang Dios! Kailangan pa ba natin ng mga saksi? Narinig ninyo ang paglapastangan niya sa Dios! ⁶⁶ Ano ngayon ang hatol ninyo?” Sumagot sila, “Dapat siyang mamatay.”