Mateo 6:26-28

Ang Biblia (1978)

²⁶ Masdan ninyo ang mga ibon sa langit, na hindi sila nangaghahasik, ni nagsisigapas, ni nangagtitipon man sa mga bangan; at sila'y pinakakain ng inyong Ama sa kalangitan. Hindi baga lalong higit ang halaga ninyo kay sa kanila?

²⁷ At alin sa inyo ang sa pagkabalisa ay makapagdaragdag ^(A)ng isang siko sa sukat ng kaniyang buhay?

²⁸ At tungkol sa pananamit, bakit kayo nangababalisa? Wariin ninyo ang mga lirio sa parang, kung paanong nagsisilaki; hindi nangagpapagal, ni nangagsusulid man: