Mateo 9:17-19

Ang Biblia (1978)

¹⁷ Hindi rin nagsisilid ng bagong alak sa mga balat na luma: sa ibang paraan ay nangagpuputok ^(A)ang mga balat, at nangabububo ang alak, at nangasisira ang mga balat: kundi isinisilid ang bagong alak sa mga bagong balat, at kapuwa nagsisitagal.

¹⁸ Samantalang sinasalita niya ang mga bagay na ito ^(B)sa kanila, narito, dumating ang isang pinuno, at siya'y ^(C)sinamba, na nagsasabi, Kamamatay pa lamang ng aking anak na babae: datapuwa't halina at ipatong mo ang iyong kamay sa kaniya, at siya'y mabubuhay.

¹⁹ At si Jesus ay nagtindig, at sumama sa kaniya, pati ng kaniyang mga alagad.