Mateo 9:21-23

Ang Salita ng Dios (Tagalog Contemporary Bible)

²¹ Sapagkat sinabi ng babae sa kanyang sarili, “Mahipo ko lang ang damit niya ay gagaling na ako.” ²² Lumingon si Jesus at pagkakita sa babae ay sinabi, “Anak, lakasan mo ang loob mo. Pinagaling^[a] ka ng iyong pananampalataya.” At gumaling nga ang babae nang sandaling iyon.

²³ Nang dumating na si Jesus sa bahay ng pinuno, nakita niya ang mga manunugtog ng plauta sa libing at ang maraming taong nagkakaingay.