Mga Gawa 12:21-23

Magandang Balita Biblia (with Deuterocanon)

²¹ Pagsapit ng takdang araw, si Herodes ay nagsuot ng damit-hari, umupo sa trono, at nagtalumpati. ²² Sumigaw ang mga taong-bayan, “Isang diyos ang nagsasalita, hindi tao!” ²³ At noon din ay hinampas ng isang anghel ng Panginoon si Herodes, sapagkat inangkin niya ang karangalang nauukol sa Diyos; at siya'y kinain ng mga uod hanggang sa mamatay.