Mga Gawa 19:17-19

Ang Bagong Tipan: Filipino Standard Version

¹⁷ Nabalitaan ito ng lahat ng mga Judio at ng mga Griyegong naninirahan sa Efeso. Pinagharian silang lahat ng takot, at higit na pinapurihan ang pangalan ng Panginoong Jesus. ¹⁸ Marami sa mga sumampalataya ang dumating at hayagang nagtapat ng kanilang mga gawain. ¹⁹ Marami sa mga gumagamit ng mga salamangka ang nagtipon at nagsunog ng kanilang mga aklat sa harapan ng madla. Nang kanilang bilangin ang halaga niyon, umabot ito ng may limampung libong salaping pilak.