Mga Gawa 20:6-8

Ang Biblia (1978)

⁶ At kami'y nagsilayag mula sa Filipos pagkaraan ng mga kaarawan ^(A)ng mga tinapay na walang lebadura, at nagsidating kami sa kanila sa Troas sa loob ng limang araw; na doo'y nagsitira kaming pitong araw.

⁷ At ^(B)nang unang araw ng sanglinggo, nang kami'y nangagkakapisan ^(C)upang pagputolputulin ang tinapay, si Pablo ay nangaral sa kanila, na nagaakalang umalis sa kinabukasan; at tumagal ang kaniyang pananalita hanggang sa hatinggabi.

⁸ At may maraming mga ilaw sa silid sa itaas na pangkatipunan namin.