Mga Gawa 3:13-15

Ang Bagong Tipan: Filipino Standard Version

¹³ Niluwalhati ng ^(A) Diyos ni Abraham, ng Diyos ni Isaac, at ng Diyos ni Jacob, at ng Diyos ng ating mga ninuno ang kanyang lingkod^[a] na si Jesus na inyong isinakdal at itinakwil sa harapan ni Pilato, gayong si Pilato ay nagpasya nang palayain siya. ¹⁴ Itinakwil ninyo ^(B) ang Banal at Matuwid at hiniling na palayain para sa inyo ang isang mamamatay-tao. ¹⁵ Pinatay ninyo ang May-akda ng buhay, ngunit ibinangon siya ng Diyos mula sa mga kamatayan, at kami ay mga saksi sa bagay na ito.