Mga Gawa 3:9-11

Magandang Balita Biblia

⁹ Nakita ng lahat na siya'y naglalakad at nagpupuri sa Diyos. ¹⁰ Nang makilala nilang siya ang pulubing dati'y nakaupong namamalimos sa Pintuang Maganda ng Templo, namangha sila at nagtaka sa nangyari sa kanya.

Nangaral si Pedro sa Portiko ni Solomon

¹¹ Habang nakahawak siya kina Pedro at Juan sa lugar na tinatawag na Portiko ni Solomon, patakbong lumapit sa kanila ang mga taong takang-taka sa nangyari.