Mga Panaghoy 2:18-20

Ang Biblia, 2001

¹⁸ Ang kanilang puso ay dumaraing sa Panginoon!
    O pader ng anak na babae ng Zion!
Padaluyin mo ang mga luha na parang ilog
    araw at gabi!
Huwag kang magpahinga;
    huwag papagpahingahin ang iyong mga mata.

¹⁹ Bumangon ka, sumigaw ka sa gabi,
    sa pasimula ng mga pagbabantay!
Ibuhos mo ang iyong puso na parang tubig
    sa harapan ng mukha ng Panginoon!
Itaas mo ang iyong mga kamay sa kanya
    dahil sa buhay ng iyong mga anak
na nanghihina sa gutom
    sa dulo ng bawat lansangan.

²⁰ Tingnan mo, O Panginoon, at masdan mo!
    Kanino mo ginawa ang ganito!
Kakainin ba ng mga babae ang kanilang anak,
    ang mga batang ipinanganak na malusog?
Papatayin ba ang pari at propeta
    sa santuwaryo ng Panginoon?