Mikas 3:10-12

Ang Biblia, 2001

¹⁰ na itinatayo ang Zion sa pamamagitan ng dugo,
    at ang Jerusalem sa pamamagitan ng kamalian.
¹¹ Ang mga pinuno niya'y humahatol dahil sa suhol,
    at ang mga pari niya'y nagtuturo dahil sa sahod,
    at ang propeta niya'y nanghuhula dahil sa salapi:
gayunma'y sumasandal sila sa Panginoon, at nagsasabi,
    “Hindi ba ang Panginoon ay nasa gitna natin?
    Walang kasamaang darating sa atin.”
¹² Kaya't^(A) dahil sa inyo,
    ang Zion ay bubungkalin na parang isang bukid,
at ang Jerusalem ay magiging mga bunton ng pagkasira,
    at ang mga bundok ng bahay ay parang matataas na dako sa isang gubat.