Pahayag 16:18-20

Magandang Balita Biblia

¹⁸ Kumidlat,^(A) kumulog, at lumindol nang napakalakas. Ito ang pinakamalakas na lindol mula pa nang likhain ang tao dito sa lupa. ¹⁹ Nahati^(B) sa tatlong bahagi ang malaking lungsod, at nawasak ang lahat ng lungsod sa buong daigdig. Hindi nga nakaligtas sa parusa ng Diyos ang tanyag na Babilonia. Pinainom siya ng Diyos ng alak mula sa kopa ng kanyang matinding poot. ²⁰ Umalis^(C) ang lahat ng mga pulo at nawala ang lahat ng mga bundok.