Panaghoy 2:16-18

Magandang Balita Biblia (with Deuterocanon)

¹⁶ Iniismiran ka ng iyong mga kaaway at kanilang sinasabi,
    “Nawasak na rin natin siya!
    Sa wakas bumagsak din siya sa ating mga kamay.”

¹⁷ Isinagawa nga ni Yahweh ang kanyang balak; tinupad niya ang kanyang banta.
    Walang awa niya tayong winasak;
    pinagtagumpay niya ang ating kaaway at dinulutan ng kagalakan sa paglupig sa atin.

¹⁸ Dumaing ka nang malakas kay Yahweh, Jerusalem.
    Araw-gabi, hayaan mong umagos ang iyong luha gaya ng ilog;
    huwag kang tumigil sa iyong pag-iyak.