Panaghoy 2:19-21

Magandang Balita Biblia (with Deuterocanon)

¹⁹ Bumangon ka't humiyaw nang paulit-ulit sa magdamag, sa bawat pagsisimula ng oras ng pagbabantay.
    Tulad ng tubig, ibuhos mo sa harapan ni Yahweh ang laman ng iyong puso!
    Itaas mo sa kanya ang iyong mga kamay alang-alang sa iyong mga anak; nanlulupaypay sila sa gutom, nakahandusay sa mga lansangan.

²⁰ Yahweh, tingnan mo kung sino ang iyong pinaparusahan.
    Matuwid bang kainin ng mga babae ang kanilang supling, na sa kanila rin naman nanggaling?
    O dapat bang patayin sa templo ang pari at ang propeta?

²¹ Naghambalang sa mga lansangan ang patay, bata't matanda, dalaga't binata.
Nilipol mo sila nang araw na ikaw ay magalit; walang awa mo silang pinatay.