Panaghoy 2:2-4

Magandang Balita Biblia (with Deuterocanon)

² Walang awang winasak ni Yahweh ang lahat ng nayon ni Jacob;
    sinira niya ang matitibay na kuta ng Juda;
    ang kaharian at mga pinuno nito'y kanyang ibinagsak at inilagay sa kahihiyan.

³ Sa tindi ng kanyang galit ay iginupo niya ang hukbo ng Israel;
    hindi niya kami tinulungan nang dumating ang kaaway.
    Nag-aalab ang galit niya sa amin, gaya ng paglamon ng apoy sa buong paligid.

⁴ Para siyang kaaway, tinudla niya kami ng pana,
    at nilipol ang lahat ng kinalulugdan nami't ipinagmamalaking mamamayan.
    Ibinuhos niya sa Jerusalem ang tindi ng kanyang galit, parang isang apoy na sa kanya'y tumupok.