Panaghoy 2:6-8

Magandang Balita Biblia

⁶ Pinaguho niya ang tabernakulo nito gaya ng isang halamanan;
    winakasan ni Yahweh ang mga itinakdang pista at Araw ng Pamamahinga,
    at itinakwil niya ang mga hari at mga pari dahil ang kanyang galit ay matindi.

⁷ Itinakwil ni Yahweh ang kanyang altar, tinalikuran ang kanyang templo;
    ipinagiba niya sa mga kaaway ang mga pader nito.
    Dahil sa kanilang tagumpay, nagkaingay sa tuwa ang mga kaaway sa lugar na dati'y buong galak naming pinagdarausan ng pagsamba.

⁸ Ipinasya ni Yahweh na wasakin ang pader ng Zion,
    itinakda niya ang ganap na pagkasira nito; hindi niya iniurong ang kanyang balak na pagwasak.
    Ngayon, ang muog at ang kuta ay nakaguho.