Panaghoy 2:7-9

Magandang Balita Biblia

⁷ Itinakwil ni Yahweh ang kanyang altar, tinalikuran ang kanyang templo;
    ipinagiba niya sa mga kaaway ang mga pader nito.
    Dahil sa kanilang tagumpay, nagkaingay sa tuwa ang mga kaaway sa lugar na dati'y buong galak naming pinagdarausan ng pagsamba.

⁸ Ipinasya ni Yahweh na wasakin ang pader ng Zion,
    itinakda niya ang ganap na pagkasira nito; hindi niya iniurong ang kanyang balak na pagwasak.
    Ngayon, ang muog at ang kuta ay nakaguho.

⁹ Gumuho na rin ang mga pintuang-bayan, bali ang mga panara nito, pati na rin ang mga tarangkahan.
    Nangalat sa mga bansa ang kanyang hari at mga pinuno; wala nang kautusang umiiral,
    at wala na ring pangitain mula kay Yahweh ang kanyang mga propeta.