Salmo 107:17-22

Ang Pulong Sa Dios

¹⁷ May mga tawo nga nahimong buang-buang tungod sa ilang pagkamalapason
ug nagaantos sila tungod sa ilang pagkadaotan.
¹⁸ Silang tanan wala nay ganang mokaon ug himalatyon na.
¹⁹ Sa ilang kalisod, mitawag sila sa Ginoo,
ug giluwas niya sila.
²⁰ Gipamulong lang niya ug nangaayo sila.
Giluwas niya sila gikan sa kamatayon.
²¹ Angay silang magpasalamat sa Ginoo tungod sa iyang gugma ug sa iyang katingalahang mga buhat ngadto sa mga tawo.
²² Angay silang mohalad ug mga halad sa pagpasalamat sa Dios;
ug pinaagi sa awit sa kalipay isugilon nila ang iyang mga buhat.