Roma 3:19-21

Ang Biblia, 2001

¹⁹ Ngayon ay nalalaman natin na anumang sinasabi ng kautusan, iyon ay sinasabi sa mga nasa ilalim ng kautusan; upang matahimik ang bawat bibig, at ang buong sanlibutan ay mapasailalim ng hatol ng Diyos.

²⁰ Sapagkat^(A) sa pamamagitan ng mga gawa ng kautusan ay “walang tao^[a] na ituturing na ganap sa paningin niya,” sapagkat sa pamamagitan ng kautusan ay ang pagkakilala ng kasalanan.

Ang Pag-aaring-ganap ng Diyos sa Tao

²¹ Subalit ngayon ay ipinahahayag ang pagiging matuwid ng Diyos na hiwalay sa kautusan at pinatotohanan ng kautusan at ng mga propeta;