Roma 4:16-18

Ang Biblia (1978)

¹⁶ Dahil dito'y sa pananampalataya, upang maging ayon ^(A)sa biyaya; upang ang pangako ay lumagi sa lahat ng binhi; hindi lamang sa nasa kautusan, kundi pati naman sa nasa pananampalataya ni Abraham, ^(B)na ama nating lahat.

¹⁷ (Gaya ng nasusulat, ^(C)Ginawa kitang ama ng maraming bansa) sa harapan niyaong kaniyang pinanampalatayanan, sa makatuwid baga'y ang Dios, ^(D)na nagbibigay ng buhay sa mga patay, at tumatawag sa ^(E)mga bagay na hindi pa hayag na tila hayag na.

¹⁸ Siya na sumampalataya na nasa pagasa laban sa pagasa, upang maging ama ng maraming bansa ayon sa sabi, ^(F)Magiging gayon ang iyong binhi.