Roma 5:13-15

Ang Biblia (1978)

¹³ Sapagka't ang kasalanan ay nasa sanglibutan hanggang sa dumating ang kautusan: nguni't ^(A)hindi ibinibilang ang kasalanan kung walang kautusan.

¹⁴ Bagaman ang kamatayan ay naghari mula kay Adam hanggang kay Moises, kahit doon sa hindi nangagkasala man ng tulad sa pagsalangsang ni Adam, ^(B)na siyang anyo niyaong darating.

¹⁵ Datapuwa't gayon din ang kaloob na walang bayad ay hindi gaya ng pagsuway. Sapagka't kung sa pagsuway ng isa ay nangamatay ang marami, lubha pang sumagana sa marami ang biyaya ng Dios, at ang kaloob dahil sa biyaya ng isang lalaking si Jesucristo.