Roma 7:3-5

Ang Biblia (1978)

³ Kaya nga ^(A)kung, samantalang nabubuhay ang asawa, siya'y makikisama sa ibang lalake, siya'y tatawaging mangangalunya: datapuwa't kung mamatay ang asawa, ay laya na siya sa kautusan, ano pa't siya'y hindi na mangangalunya, bagaman siya'y makisama sa ibang lalake.

⁴ Gayon din naman, mga kapatid ko, ^(B)kayo'y nangamatay rin sa kautusan ^(C)sa pamamagitan ng katawan ni Cristo; upang kayo'y makisama sa iba, sa makatuwid baga'y doon sa nabuhay na maguli, upang tayo'y magsipagbunga sa Dios.

⁵ Sapagka't nang tayo'y nangasa laman, ^(D)ang mga pitang salarin na pawang sa pamamagitan ng kautusan, ay nagsigawa ^(E)sa ating mga sangkap ^(F)upang magsipagbunga sa kamatayan.