Ruth 4:14-16

Magandang Balita Biblia

¹⁴ Sinabi ng kababaihan kay Naomi, “Purihin si Yahweh! Binigyan ka niya sa araw na ito ng isang apo na kakalinga sa iyo. Maging tanyag nawa sa Israel ang bata! ¹⁵ Maghatid nawa siya ng kaaliwan sa puso mo at mag-alaga sa iyong pagtanda. Ang mapagmahal mong manugang, na nagsilang sa bata, ay higit kaysa pitong anak na lalaki.” ¹⁶ Kinuha ni Naomi ang bata, magiliw na kinalong, at inalagaang mabuti.