Ruth 4:15-17

Ang Biblia (1978)

¹⁵ At siya'y magiging sa iyo ay isang tagapagsauli ng buhay, at tagapagkandili sa iyong katandaan: sapagka't ang inyong manugang na nagmamahal sa iyo, ay nagkaanak sa kaniya, at siya'y ^(A)mahigit pa sa iyo kay sa pitong anak.

¹⁶ At kinuha ni Noemi ang bata, at inihilig sa kaniyang kandungan, at siya'y naging yaya.

¹⁷ At nilagyan ng pangalan ng mga babaing kaniyang ^(B)kapitbahay, na sinasabi, May isang lalake na ipinanganak kay Noemi; at tinawag nila ang pangalan niya na Obed; siya ang ama ni Isai, na ama ni David.