Salmo 11:5-7

Ang Salita ng Dios (Tagalog Contemporary Bible)

⁵ Sinisiyasat niya ang matutuwid at masasama.
    At siyaʼy napopoot sa malulupit.
⁶ Pauulanan niya ng lumalagablab na baga at asupre ang masasama;
    at ipapadala niya ang mainit na hangin na papaso sa kanila.
⁷ Dahil ang Panginoon ay matuwid at iniibig niya ang mga gawang mabuti,
    kaya ang mga namumuhay nang tama ay makakalapit sa kanya.^[a]